PLAN NORMATIVO 2023 - Portal de la Transparencia

volver

PLAN NORMATIVO 2023 Plan normativo del Concello de Narón-2023

Publicado por ADPFC el 29-11-2022

1º.- OBJETO:

En virtud de lo dispuesto en el artículo 132 de la LPACAP y en la Directriz nº 4 de la Regulación de la participación ciudadana en la planificación, elaboración y evaluación de la normativa municipal en el Ayuntamiento de Narón, se hace público el Plan normativo del Concello de Narón para el ejercicio de 2023 aprobado por el Pleno municipal en la sesión celebrada el día 24 de noviembre de 2022.

PLAN NORMATIVO DEL AYUNTAMIENTO DE NARÓN PARA 2023

A Lei de Bases de Réxime local, no seu artigo 4.1 recoñece aos municipios – na súa calidade de administracións públicas de carácter territorial- a potestade regulamentaria, isto é a facultade de elaborar e aprobar disposicións xurídicas de carácter xeral que implican a innovación do ordenamento xurídico;

en tanto o Título VI da Lei 39/2015, do 1 de outubro, do procedemento administrativo común das administracións públicas, aborda a potestade normativa das entidades públicas, recollendo os principios aos que ten que axustarse no seu exercicio a administración titular, e facer así efectivos os dereitos constitucionais nese ámbito, apostando pola mellora da planificación normativa ex ante – a fin de lograr unha superior seguridade xurídica e a predictibilidade do ordenamento xurídico– mediante a divulgación dun plan anual no que se recollerán as propostas regulamentarias que vaian a ser elevadas para a súa aprobación o exercicio seguinte.

En cumprimento desa normativa e das previsións establecidas nas directrices sobre a planificación, revisión e procedemento de elaboración das ordenanzas e regulamentos municipais neste consistorio, o Pleno municipal de Narón principiaba dende o 2018 a tramitación dos seus Plans normativos para os exercicios seguintes, que incluía as previsións de actualización / ou nova redacción de diversos regulamentos e ordenanzas en varios sectores da actividade pública.

O obxectivo estratéxico destes Plans o constitúe a posta en valor da normativa municipal entendida como un instrumento de participación cidadá, de modernización da propia administración, o seu persoal e os servizos a prestar á veciñanza; e acadar disposicións rigorosas, claras e útiles, sen perder de vista a estrita suxeición e a necesaria coherencia que debe guiar a potestade normativa municipal, respecto da promulgada polas demais administracións territoriais; en tanto resultarán obxectivos operativos a promoción da adecuación das normas municipais á lexislación vixente baixo o prisma da simplificación, modernización e racionalización das mesmas; e o logro dun superior coñecemento e comprensión desas disposicións normativas que deben guiar a nosa convivencia democrática.

Neste intre procede dar cabal continuidade á tarefa iniciada e someter a aprobación plenaria, o documento comprensivo do Plan normativo para o vindeiro exercicio de 2023, no que se recollerán as propostas regulamentarias que vaian a ser elevadas ou estea previsto elevar, para a súa aprobación, nese período temporal; sendo competente para a súa impulsión a alcaldía municipal.

Polo exposto, e coa pretensión de seguir un proceso estruturado de análise da necesidade ou conveniencia de aprobar novas disposicións ou modificar as normas vixentes, requiriuse aos distintos departamentos municipais e aos seus delegados, a remisión das iniciativas normativas que se estimase preciso acadar no exercicio entrante.

Á vista do anterior o Pleno municipal do Concello de Narón, na sesión celebrada o 24 de novembro de 2022, acordou o seguinte:

PRIMEIRO.- Prestar aprobación ao Plan normativo anual do Concello de Narón para o exercicio de 2023, no que se prevé a elaboración e posterior tramitación e aprobación das seguintes normas xurídicas ou a modificación das actualmente en vigor:

REGULAMENTOS E ORDENANZAS

A.- Departamento de RECURSOS HUMANOS

INICIATIVA: MODIFICACIÓN DO REGULAMENTO DE SELECCIÓN DE PERSOAL FUNCIONARIO INTERINO E LABORAL TEMPORAL DO CONCELLO DE NARÓN

Con esta actuación preténdese a modificación puntual de diversos artigos dese regulamento aprobado o 31 de outubro de 2019, coa finalidade de adaptalos á lexislación aprobada nos anos 2020 e 2021, en materia de nomeamentos interinos e contratos temporais nas Administracións Públicas.

B.- Departamento de NORMALIZACIÓN LINGÜÍSTICA

INICIATIVA: ORDENANZA DE NORMALIZACIÓN LINGÚÍSTICA DO CONCELLO DE NARÓN

A normalización lingüística é un proceso social que procura o incremento do uso e do prestixio dunha lingua minorizada en todos os ámbitos da sociedade, no caso de Galicia, do galego. Procura a recuperación de todas as funcións e dereitos dunha lingua, para que poida ser o medio “normal” e habitual de expresión social dos membros da comunidade.

A normalización lingüística é un proceso social participativo que, ou é protagonizado pola propia sociedade que se implica nun proceso de cambio, ou non se consegue, e as administracións públicas teñen a obriga e responsabilidade de apoiar e promover ese proceso.

Para implicar á sociedade nese proceso de cambio, o Concello de Narón adoptou unha política lingüística activa na promoción do uso da lingua galega na que destacan as seguintes medidas fundamentais: creación dun servizo de normalización lingüística que ten como misión darlle soporte técnico ao proceso de extensión do uso e da normalización do galego en todos os ámbitos e sectores do termo municipal, non só no seo da propia administración; cumprimento dos mandados da lexislación vixente en materia lingüística na Administración local; ou a colaboración con outras entidades en materia de normalización lingüística, como son os proxectos colaborativos con outras administracións locais Apego e Club de Debate, a adhesión á Rede de Dinamización Lingüística da Secretaría Xeral de Política Lingüística da Xunta de Galicia, ou a creación da Asociación de Entidades Locais pola Lingua Galega (Alingua) xunto con outras entidades locais.

Pero o Concello de Narón aínda non conta cunha disposición normativa que recolla e regule o uso social do idioma atendendo a todos os ámbitos da vida municipal, non conta cunha ordenanza de normalización lingüística que aprobe unhas liñas de actuación co fin de incorporar o galego en todos os ámbitos da vida municipal e impulsar a normalización do seu uso no conxunto da sociedade.

Ademais, no marco da planificación do III Plan de igualdade de Narón, xurdiu a conveniencia de incluír como unha acción do plan a introdución dunha epígrafe na Ordenanza de normalización lingüística que desenvolva unhas liñas de estilo ou pautas para usar unha linguaxe inclusiva na comunicación interna e externa do Concello de Narón.

Esta ordenanza ten por obxecto regular o uso do galego no Concello de Narón no que respecta ao uso oficial e aos dereitos lingüísticos, atención ao público, documentación e actuación administrativa, publicacións, accións informativas, formativas e actividades públicas, relación con outras administracións e coas empresas privadas, toponimia, etc.

C.- Departamento de Planificación e desenvolvemento local

INICIATIVA: MODIFICACIÓN DA ORDENANZA REGULADORA DA VENDA AMBULANTE DO CONCELLO DE NARON

A finalidade perseguida coa modificación desa normativa radica na modificación e actualización dunha previa regulación aprobada polo Pleno municipal o 30 de outubro de 2008 – BOP nº 43, do 21 de febreiro de 2009-, resultando necesaria a súa adaptación á Lei 13/2010, de 17 de decembro, do comercio interior de Galicia, ao Real Decreto 199/2010, do 26 de febreiro, polo que se regula o exercicio da venda ambulante e non sedentaria, ao Decreto 118/2012, do 20 de abril polo que se regula o Rexistro galego de comercio e ao Decreto 125/2014, do 4 de setembro polo que se regula en Galicia a venda directa dos produtos primarios dende as explotacións ata o consumidor final.

Así mesmo faise constar a previsión da aprobación da modificación de diversas ordenanzas fiscais para 2023, excluídas deste Plan.

SEGUNDO.- Ordenar á publicación deste acordo na web municipal de transparencia e proseguir cos trámites contemplados nas directrices aprobadas polo Pleno municipal de data 29 de xullo de 2017.

TERCEIRO.- Autorizar á alcaldía-presidencia para a realización e execución de cantos trámites precisos resulten para a efectividade destes acordos.