1º.- OBJETO:

En virtud de lo dispuesto en el artículo 132 de la LPACAP y en la Directriz nº 4 de la Regulación de la participación ciudadana en la planificación, elaboración y evaluación de la normativa municipal en el Ayuntamiento de Narón, se hace público el Plan normativo del Concello de Narón para el ejercicio de 2025 aprobado por el Pleno municipal en la sesión celebrada el día 31 de octubre de 2024.

PLAN NORMATIVO DO CONCELLO DE NARÓN PARA 2025

A Lei de Bases de Réxime local, no seu artigo 4.1 recoñece aos municipios – na súa calidade de administracións públicas de carácter territorial- a potestade regulamentaria, isto é a facultade de elaborar e aprobar disposicións xurídicas de carácter xeral que implican a innovación do ordenamento xurídico;

en tanto o Título VI da Lei 39/2015, do 1 de outubro, do procedemento administrativo común das administracións públicas, aborda a potestade normativa das entidades públicas, recollendo os principios aos que ten que axustarse no seu exercicio a administración titular, e facer así efectivos os dereitos constitucionais nese ámbito, apostando pola mellora da planificación normativa ex ante – a fin de lograr unha superior seguridade xurídica e a predictibilidade do ordenamento xurídico– mediante a divulgación dun plan anual no que se recollerán as propostas regulamentarias que vaian a ser elevadas para a súa aprobación o exercicio seguinte.

En cumprimento desa normativa e das previsións establecidas nas directrices sobre a planificación, revisión e procedemento de elaboración das ordenanzas e regulamentos municipais neste consistorio, o Pleno municipal de Narón principiaba dende o 2018 a tramitación dos seus Plans normativos para os exercicios seguintes, que incluía as previsións de actualización / ou nova redacción de diversos regulamentos e ordenanzas en varios sectores da actividade pública.

O obxectivo estratéxico destes Plans o constitúe a posta en valor da normativa municipal entendida como un instrumento de participación cidadá, de modernización da propia administración, o seu persoal e os servizos a prestar á veciñanza; e acadar disposicións rigorosas, claras e útiles, sen perder de vista a estrita suxeición e a necesaria coherencia que debe guiar a potestade normativa municipal, respecto da promulgada polas demais administracións territoriais; en tanto resultarán obxectivos operativos a promoción da adecuación das normas municipais á lexislación vixente baixo o prisma da simplificación, modernización e racionalización das mesmas; e o logro dun superior coñecemento e comprensión desas disposicións normativas que deben guiar a nosa convivencia democrática. 

Neste intre procede dar cabal continuidade á tarefa iniciada e someter a aprobación plenaria, o documento comprensivo do Plan normativo para o vindeiro exercicio de 2025, no que se recollerán as propostas regulamentarias que vaian a ser elevadas ou estea previsto elevar, para a súa aprobación, nese período temporal; sendo competente para a súa impulsión a alcaldía municipal.

Polo exposto, e coa pretensión de seguir un proceso estruturado de análise da necesidade ou conveniencia de aprobar novas disposicións ou modificar as normas vixentes, requiriuse aos distintos departamentos municipais e aos seus delegados, a remisión das iniciativas normativas que se estimase preciso acadar no exercicio entrante.

Á vista do anterior o Pleno municipal do Concello de Narón, na sesión celebrada o 31 de outubro de 2024, deu a súa conformidade aos acordos seguintes:

PRIMEIRO.- Prestar aprobación ao Plan normativo anual do Concello de Narón para o exercicio de 2025, no que se prevé a elaboración e posterior tramitación e aprobación das seguintes normas xurídicas, polas razóns que a continuación se expoñen:

A.- Departamento de SERVIZO SOCIOCOMUNITARIO

INICIATIVA: MODIFICACIÓN DO REGULAMENTO DE PARTICIPACIÓN CIDADÁ DO CONCELLO DE NARÓN

A normativa actual, cuxa modificación se pretende, foi aprobada inicialmente polo Concello Pleno o día 31 de outubro de 2019 e publicado o seu texto definitivo no BOP do 8 de abril de 2020.

O Concello Pleno, en sesión ordinaria do día 27 de marzo de 2024, aprobou por unanimidade incluír no Plan Normativo do ano 2025 a modificación do Regulamento de Participación Cidadá do Concello de Narón.

INICIATIVA: REGULAMENTO DE ACTIVIDADES DE CONCILIACIÓN

Actualmente, o Concello de Narón non ten regulación específica para o desenvolvemento das distintas convocatorias de actividades de conciliación en períodos de vacacións escolares desenvoltas polo Servizo Sociocomunitario, establecéndose os requisitos nas bases das distintas convocatorias.

Coa finalidade de dotar o acceso a ditas actividades de seguridade xurídica, dando información previa ás familias que precisen de actividades de conciliación, faise necesario regulalas.

B.- Departamento de ARQUIVO

INICIATIVA: REGULAMENTO DO ARQUIVO DO CONCELLO DE NARÓN

A heteroxeneidade dos documentos producidos polas Administracións públicas, os cambios derivados da incorporación das tecnoloxías da información e da comunicación, a aparición de novos modelos de xestión, con sistemas mixtos dixitais e en papel, configuraron un novo escenario que demanda completar o tratamento tradicional dos arquivos cunha regulamentación de maior alcance e perspectiva. A creación dun Regulamento do Arquivo Municipal de Narón faise, pois, necesaria de cara a afrontar os retos que nos plantexa este novo escenario pero tamén para mellorar as condicións de conservación e posta a disposición dos documentos que conservamos en papel.

Así mesmo faise constar a previsión da aprobación da modificación de diversas ordenanzas fiscais e outras normas de contido económico para 2025, excluídas deste Plan.

SEGUNDO.- Ordenar á publicación deste acordo na web municipal de transparencia e proseguir cos trámites contemplados nas directrices aprobadas polo Pleno municipal de data 29 de xullo de 2017.

TERCEIRO.- Autorizar á alcaldía-presidencia para a realización e execución de cantos trámites precisos resulten para a efectividade destes acordos.

• Legislación y justicia