PLAN NORMATIVO 2020 Plan normativo del Ayuntamiento de Narón para el año 2020
Publicado por ADPFC el
1º.- OBJETO:
En virtud de lo dispuesto en el artículo 132 de la LPACAP y en la Directriz nº 4 de la Regulación de la participación ciudadana en la planificación, elaboración y evaluación de la normativa municipal en el Ayuntamiento de Narón, se hace público el Plan normativo del Concello de Narón para el ejercicio de 2020 aprobado por el Pleno municipal en la sesión celebrada el día 31 de octubre de 2019.
PLAN NORMATIVO DO CONCELLO DE NARÓN PARA 2020
A Lei de Bases de Réxime local, no seu artigo 4.1 recoñece aos municipios – na súa calidade de administracións públicas de carácter territorial- a potestade regulamentaria, isto é a facultade de elaborar e aprobar disposicións xurídicas de carácter xeral que implican a innovación do ordenamento xurídico;
en tanto o Título VI da Lei 39/2015, do 1 de outubro, do procedemento administrativo común das administracións públicas, aborda a potestade normativa das entidades públicas, recollendo os principios aos que ten que axustarse no seu exercicio a administración titular, e facer así efectivos os dereitos constitucionais nese ámbito, apostando pola mellora da planificación normativa ex ante – a fin de lograr unha superior seguridade xurídica e a predictibilidade do ordenamento xurídico– mediante a divulgación dun plan anual no que se recollerán as propostas regulamentarias que vaian a ser elevadas para a súa aprobación o exercicio seguinte.
En cumprimento desa normativa de das previsións establecidas nas directrices sobre a planificación, revisión e procedemento de elaboración das ordenanzas e regulamentos municipais neste consistorio, o Pleno municipal de Narón, nos anos 2017 e 2018, principiaba a tramitación dos seus Plans normativos para os exercicios seguintes, que incluía as previsións de actualización / ou nova redacción de diversos regulamentos e ordenanzas en varios sectores da actividade pública.
O obxectivo estratéxico destes Plans o constitúe a posta en valor da normativa municipal entendida como un instrumento de participación cidadá, de modernización da propia administración, o seu persoal e os servizos a prestar á veciñanza; e acadar disposicións rigorosas, claras e útiles, sen perder de vista a estrita suxeición e a necesaria coherencia que debe guiar a potestade normativa municipal, respecto da promulgada polas demais administracións territoriais; en tanto resultarán obxectivos operativos a promoción da adecuación das normas municipais á lexislación vixente baixo o prisma da simplificación, modernización e racionalización das mesmas; e o logro dun superior coñecemento e comprensión desas disposicións normativas que deben guiar a nosa convivencia democrática.
Neste intre procede dar cabal continuidade á tarefa iniciada e someter a aprobación plenaria antes do 31 de outubro deste ano, o documento comprensivo do Plan normativo para o vindeiro exercicio de 2020, no que se recollerán as propostas regulamentarias que vaian a ser elevadas ou estea previsto elevar, para a súa aprobación, nese período temporal; sendo competente para a súa impulsión a alcaldía municipal.
Polo exposto, e coa pretensión de seguir un proceso estruturado de análise da necesidade ou conveniencia de aprobar novas disposicións ou modificar as normas vixentes, requiriuse aos distintos departamentos municipais e aos seus delegados, a remisión das iniciativas normativas que se estimase preciso acadar no exercicio entrante.
Á vista do anterior o Pleno municipal do Concello de Narón, na sesión celebrada o 31 de outubro de 2019, acordou o seguinte:
PRIMEIRO.- Prestar aprobación ao Plan normativo anual do Concello de Narón para o exercicio de 2020, no que se prevé a elaboración e posterior tramitación e aprobación das seguintes normas xurídicas ou a modificación das actualmente en vigor:
|
ORDENANZAS E REGULAMENTOS |
A.- Departamento de Socio comunitario.
o INICIATIVA: Regulamento dos Centros Comunitarios Integrados “Manuela Pérez Sequeiros” e “Casas da Mariña” do Concello de Narón.
A normativa actual cuxa modificación se pretende foi aprobada polo Concello Pleno o día 25 de febreiro de 2010 visada polo Servizo de Inspección de Servizos comunitarios e inclusión social da Xunta de Galicia. O regulamento do Centro de Día debe ser obxecto de regulación independente por cambio da normativa autonómica nas competencias sobre centros comunitarios. O Concello de Narón iniciou os trámites para o contrato de concesión do servizo de xestión, organización e funcionamento do Centros Comunitarios Integrados “Manuela Pérez Sequeiros – Centro de día” e “Casas da Mariña” e faise necesario a modificación da normativa actual para a súa adaptación ás novas necesidades.
B.- Departamento de Socio comunitario.
o INICIATIVA: Regulamento do Centro de Día.
A normativa actual cuxa modificación se pretende foi aprobada polo Concello Pleno o día 25 de febreiro de 2010 visada polo Servizo de Inspección de Servizos comunitarios e inclusión social da Xunta de Galicia. O regulamento do Centro de Día debe ser obxecto de regulación independente por cambio da normativa autonómica nas competencias sobre centros comunitarios. O Concello de Narón iniciou os trámites para o contrato de concesión do servizo de xestión, organización e funcionamento do Centros Comunitarios Integrados “Manuela Pérez Sequeiros – Centro de día” e “Casas da Mariña” e faise necesario a modificación da normativa actual para a súa adaptación ás novas necesidades.
C.- Departamento da Policía Local
O Concello Pleno, na sesión ordinaria de data 31 de xullo de 2008, aprobou definitivamente a Ordenanza de Vaos do Concello de Narón, publicándose o seu texto íntegro no BOP nº 190, do 19 de agosto de 2008. Posteriormente esta norma, nos exercicios de 2001, 2016 e 2017 experimentou sucesivas modificacións que aconsellan a harmonización do seu texto e a incorporación, no seu caso, de situacións fácticas e solucións demandadas pola cidadanía.
D.- Departamento da Policía Local
o INICIATIVA: Ordenanza Xeral Municipal sobre tráfico, circulación de vehículos a motor e seguridade vial.
No Boletín oficial da provincia nº 187 do 29 de setembro de 2010, publicábase a Ordenanza citada Dende o ano 2010 o Regulamento Xeral de Circulación sufriu diversas modificacións que afectan ao contido desta ordenanza que é necesario actualizar, así como é necesario introducir algún título que regule as pautas establecidas pola Dirección Xeral de Trafico na Instrución 16/V-124 de 3 de novembro de 2016, en relación cos peóns, ciclistas e vehículos de mobilidade persoal, debido a la irrupción do patinete eléctrico no ámbito urbano e diversos cambios lexislativos que afectan a ciclistas.
Así mesmo faise constar a previsión (xunto coa aprobación das ordenanzas fiscais para 2020) da aprobación de diversas modificacións puntuais - corrección de erros e de estilo; axuste de contías; carácter facultativo da reformulación de solicitudes - na Ordenanza xeral de subvencións do Concello de Narón, que, de acordo co sinalado no apartado 2.2. das directrices aprobadas o 29 de xuño de 2017, queda excluída do plan anual e do trámite da consulta pública previa, por tratarse dunha iniciativa de carácter organizativo y afectación moi parcial da normativa actualmente en vigor.
SEGUNDO.- Ordenar á publicación deste acordo na web municipal de transparencia e proseguir cos trámites contemplados nas directrices aprobadas polo Pleno municipal de data 29 de xullo de 2017.
TERCEIRO.- Autorizar á alcaldía-presidencia para a realización e execución de cantos trámites precisos resulten para a efectividade destes acordos.
2º.- ANUNCIO DE APROBACIÓN INICIAL PLAN NORMATIVO 2020
Reglamento de los Centros Comunitarios Integrados “Manuela Pérez Sequeiros” y “Casas da Mariña” del Ayuntamiento de Narón.
Reglamento del Centro de Día.
Ordenanza reguladora de la expedición de licencias de vado y de reservas de la vía pública para aparcamiento exclusivo, parada de vehículos, carga y descarga de mercancías de cualquier clase.
Ordenanza General Municipal sobre tráfico, circulación de vehículos a motor y seguridad vial.
3º.- ANUNCIO DE APROBACIÓN DEFINITIVA PLAN NORMATIVO 2020